Finnur Þór Erlingsson ráðinn framkvæmdastjóri upplýsingatækni hjá Styrkás

Styrkás hefur ráðið Finn Þór Erlingsson í starf framkvæmdastjóra upplýsingatækni Styrkáss.

Finnur hefur yfir tuttugu ára reynslu á sviði hugbúnaðarþróunar og upplýsingatækni, meðal annars sem framkvæmdastjóri og tæknistjóri hjá Corivo og forstöðumaður upplýsingatækni hjá Kviku.

Hann hefur víðtæka reynslu af rekstri og innleiðingu upplýsingatæknilausna. Finnur er menntaður tölvunarfræðingur (BSc) frá Háskólanum í Reykjavík.

Ásmundur Tryggvason, forstjóri Styrkás.

„Við bjóðum Finn velkominn til starfa og hlökkum til að njóta þekkingar hans og reynslu á sviði upplýsingatækni. Hann mun leiða áframhaldandi samþættingu og uppbyggingu innviða innan Styrkás samstæðunnar en Styrkás stefnir að skráningu í kauphöll fyrir árslok 2027.“