Framkvæmdastjórn
Daglegum rekstri Styrkás er stýrt af framkvæmdastjórn félagsins sem starfar í samræmi við stefnu stjórnar og ber ábyrgð á framgangi stefnumótunar og langtímamarkmiða samstæðunnar. Í framkvæmdastjórn sitja forstjóri, framkvæmdastjóri fjármálasviðs, framkvæmdastjóri upplýsingatækni og framkvæmdastjóri Innri þjónustu. Forstjórar kjarnasviða Styrkás eiga jafnframt sæti í framkvæmdastjórn samstæðunnar.
Ásmundur var ráðinn forstjóri Styrkáss í október 2023. Ásmundur var áður framkvæmdastjóri fyrirtækja- og fjárfestasviðs Íslandsbanka um tæplega fimm ára skeið og var þar áður forstöðumaður fyrirtækjaráðgjafar bankans í sjö ár. Hann hefur jafnframt setið í stjórnum ýmissa félaga, eins og Símans, Lýsingar, VÍS eignarhaldsfélags og Kögunar.
Jóhanna Helga leiðir Innri þjónustu Styrkás en undir sviðið heyra sjálfbærni- og gæðamál, mannauðsmál, samhæfing markaðsmála og verkefnastýring lykilverkefna á samstæðugrunni. Jóhanna er með MBA gráðu frá Háskóla Íslands og víðtæka reynslu úr atvinnulífinu en hún hefur starfað sem stjórnandi hjá Símanum, Reiknistofu bankanna, 365 miðlum, Torgi og síðast Skeljungi þar sem hún hefur verið í starfi framkvæmdastjóra Sjálfbærni og stafrænnar þróunar frá árinu 2022.
Gunnar leiðir uppbyggingu fjármálasviðs Styrkáss. Gunnar starfaði áður sem sérfræðingur í viðskiptagreind hjá Skeljungi og ráðgjafafyrirtækinu Expectus. Hann kemur frá Kletti – sölu og þjónustu þar sem hann gegnir starfi fjármálastjóra. Gunnar er með B.Sc. í Iðnaðarverkfræði frá Háskóla Íslands og M.Sc. í Aðgerðarrannsóknum frá DTU í Danmörku.
Finnur leiðir samþættingu og uppbyggingu upplýsingatækni innviða innan Styrkás samstæðunnar. Finnur hefur yfir tuttugu ára reynslu á sviði hugbúnaðarþróunar og upplýsingatækni, meðal annars sem framkvæmdastjóri og tæknistjóri hjá Corivo og forstöðumaður upplýsingatækni hjá Kviku. Hann hefur víðtæka reynslu af rekstri og innleiðingu upplýsingatæknilausna. Finnur er menntaður tölvunarfræðingur (BSc) frá Háskólanum í Reykjavík.