Byggðu framtíðina með okkur

Framtíðarsýn Styrkás sem samstæðu er að vera fremst í þjónustu á fyrirtækjamarkaði með styrk til að þjónusta innviða- og atvinnuvegafjárfestingu á Íslandi. Starfsfólk samstæðunnar er undirstaða árangurs. Styrkás leggur áherslu á að laða að hæft og metnaðarfullt starfsfólk. Það gera félög Styrkás með því að byggja upp góða og eftirsótta vinnustaði. Í því felst að leggja áherslu á vandað ráðningarferli, starfsánægju, skapa tækifæri til starfsþróunar og að vel sé staðið að aðbúnaði, öryggi og réttindum starfsfólks. Styrkás vill skapa vinnustaðamenningu þar sem frumkvæði starfsfólks sem stuðlar að bættum vinnubrögðum og árangri í rekstri er vel tekið og starfsfólk er hvatt til að vinna saman þvert á félög innan samstæðu. Hjá Styrkás er lögð áhersla á að skapa hvetjandi vinnustaðamenningu þar sem allt starfsfólk vinnur saman að því að veita viðskiptavinum framúrskarandi þjónustu og hefur jafnframt hvata til þess að samstæðunni gangi vel. Hún er undirstaða þess að skapa góðan starfsanda og árangursdrifið starfsumhverfi.