Þjónusta við uppbyggingu
Við veitum þjónustu til fyrirtækja sem starfa við uppbyggingu innviða og atvinnuvega. Þú ert við stýrið í þínum rekstri, Styrkás aðstoðar þig við að ná árangri.



Starfsemin
Styrkás er leiðandi þjónustufyrirtæki á fyrirtækjamarkaði með styrk til að þjónusta innviða- og atvinnuvegafjárfestingu á Íslandi. Starfsemi Styrkás byggir á fjórum kjarnasviðum: orku og efnavöru, tækjum og búnaði, eignaumsýslu og leigustarfsemi og umhverfis- og iðnaðarþjónustu. Dótturfélög Styrkás eru Skeljungur, Klettur, Stólpi og Hreinsitækni, sem saman mynda samstæðu félagsins.

Orka og efnavara
Skeljungur er umboðsaðili Shell á Íslandi og þjónar orkuþörf fyrirtækja á hagkvæman og öruggan máta í sátt við samfélagið og umhverfi sitt

Tæki og búnaður
Klettur er umboðsaðili fyrir leiðandi vörumerki í tækjum, búnaði og hjólbörðum ásamt því að reka framúrskarandi viðgerðarþjónustu og varahlutasölu fyrir vinnuvélar og atvinnubifreiðar

Eignaumsýsla og leigustarfsemi
Stólpi býður fyrirtækjum upp á fjölbreytta þjónustu á sviði eignaumsýslu og leigustarfsemi við atvinnulífið og einstaklinga.

Umhverfi og iðnaður
Hreinsitækni er leiðandi í umhverfis- og innviðaþjónustu fyrir sveitarfélög og fyrirtæki. Félagið hefur aðstöðu og tækjaflota í fjórum landshlutum og hjá því starfa um 150 manns.
Framtíðarsýn
Styrkás hefur markað sér stefnu um að byggja ofan á sterkar stoðir samstæðunnar með innri og ytri vexti á fjórum kjarnasviðum: orku og efnavöru, tækjum og búnaði, eignaumsýslu- og leigustarfsemi, umhverfi og iðnaði. Styrkás stefnir að skráningu í Kauphöll Íslands fyrir lok annars ársfjórðungs 2027.



Öflugur samstarfsaðili
Framundan eru fjárfestingar í innviðum og uppbyggingu atvinnugreina sem verða undirstaða hagvaxtar framtíðarinnar. Starfsemi Styrkáss miðar að því að veita framúrskarandi vörur og þjónustu og vera þannig öflugur samstarfsaðili við uppbyggingu innviða og atvinnulífs.





