Starfsemin
Styrkás er þjónustufyrirtæki við atvinnulífið sem sérhæfir sig í orku- og efnavöru undir vörumerki Skeljungs og þjónustu og sölu á tækjum og búnaði undir vörumerki Kletts. Markmiðið er að byggja ofan á sterkar stoðir samstæðunnar með innri og ytri vexti á fimm kjarnasviðum, orku og efnavöru, tækjum og búnaði, umhverfi, iðnaði og eignaumsýslu- og leigustarfsemi.
Skeljungur
Hlutverk Skeljungs er að þjóna orkuþörf fyrirtækja á hagkvæman og öruggan máta í sátt við samfélagið og umhverfi sitt. Starfsemi Skeljungs er á sviði sölu og þjónustu við fyrirtæki tengt fjölorku. Fyrirtækið sér um dreifingu, innkaup og heildsölu á eldsneyti, smurolíum, hreinsi- og efnavörum, áburði sem og öðrum vörum og þjónustuþáttum til fyrirtækja og bænda. Þjónusta og sala til stórnotenda, til útgerða, í flug og verktöku er einnig hluti af starfseminni. Skeljungur er enn fremur umboðsaðili Shell á Íslandi auk þess að fara með eignarhald í Barki, EAK, Fjölveri og Ecomar. Hjá Skeljungi starfa um 60 manns um land allt. Forstjóri Skeljungs er Þórður Guðjónsson.
Ökutæki og vélar
Skeljungur aðstoðar við að útvega búnað og tæki sem nauðsynleg eru við afgreiðslu og notkun á eldsneyti og smurefnum.
Flugþjónusta
Skeljungur selur þotueldsneyti (Jet A-1) og flugbensín (Avgas 100LL) og er með þjónustu á flestum stærri flugvöllum landsins samkvæmt alþjóðlegum gæðastöðlum.
Landbúnaður
Skeljungur kappkostar að þjónusta íslenskan landbúnað um land allt og hefur til sölu eldsneyti, smurolíur, áburð, rúlluplast og tilheyrandi garn og net.
Skipaþjónusta
Skipaþjónusta Skeljungs er fyrir þau sem starfa að sjávarútvegi - jafnt útgerð sem vinnslu. Við afgreiðum eldsneyti til skipa frá lögn eða með bíl sem og smurolíuafgreiðslu.
Klettur
Klettur er umboðsaðili á Íslandi fyrir leiðandi vörumerki í tækjum og búnaði, svo sem Caterpillar vinnuvélar, Scania atvinnubifreiðar og Ingersoll Rand loftpressur ásamt því að reka framúrskarandi viðgerðarþjónustu og varahlutasölu fyrir vinnuvélar og atvinnubifreiðar. Klettur er leiðandi í sölu og þjónustu á hjólbörðum en meðal birgja eru Goodyear, Hankook og Nexen. Hjá Kletti starfa um 150 starfsmenn. Forstjóri félagsins er Kristján Már Atlason.
Scania
Scania vörubílar eru þekktir fyrir einstök þægindi, framúrskarandi aksturseiginleika og ekki síst lága eldsneytisnotkun. Scania er einnig leiðandi þegar kemur að þróun á nýorkulausnum með breiðasta val á vélum fyrir mismunandi orkugjafa.
Þjónustusvið
Þjónustusvið Kletts rekur vélaverkstæði ásamt sérbúnum þjónustubifreiðum fyrir vegaaðstoð og viðgerðir fjarri verkstæðinu. Alhliða þjónusta og smurþjónusta fyrir fólksbíla, vörubíla, rútur og vinnuvélar.
Caterpillar
Caterpillar er þekkt fyrir gæði og áreiðanleika þar sem áhersla er lögð á framúrskarandi þjónustu og stafrænar lausnir. Klettur er umboðsaðili Caterpillar á Íslandi og býður upp á fjölbreytt vöruúrval af vinnuvélum, lyfturum, rafstöðvum og skipavélum.
Dekkjasvið
Klettur er leiðandi í sölu og þjónustu á hjólbörðum en meðal birgja eru Goodyear, Hankook og Nexen. Klettur rekur sex þjónustuverkstæði undir merkjum Kletts.
Stólpi
Stólpi ehf. hóf starfsemi sína árið 1974. Síðar bættust við fyrirtækin Stólpi Gámar, Tjónaþjónustan, Klettaskjól, Stólpi Smiðja og Alkul. Nú er Klettaskjól móðurfélag félaganna. Félögin bjóða upp á fjölbreytta á þjónustu við atvinnulífið og einstaklinga. Stólpi Gámar er samstarfsaðili Containex og Algego á Íslandi sem er helstu framleiðendur húseininga í heiminum og hafa áratugareynslu. Styrkur fyrirtækjanna er langt og gott samstarf við atvinnulífið. Starfsmenn félaganna eru um 50 Framkvæmdastjóri félaganna er Börkur Grímsson
Stólpi Gámar
Leiðandi í leigu og sölu húseininga. Fyrirtækið er með yfirburðastöðu varðandi viðskipti með þurr- og frystigáma.
Stólpi ehf
Alhliða trésmíðaverkstæði með áratugasérhæfingu í viðgerðarþjónustu á fasteignum fyrir tryggingafélög.
Tjónaþjónustan ehf
Neyðarþjónusta allan sólarhringinn með séræfingu í þurrkun fasteigna eftir vatnstjón og neyðarlokanir, t.d. eftir innbrot.
Stólpi Smiðja
Leiðandi í viðgerðum og endurbótum á stálgámum. Síðar bættust við viðgerðir á vögnum auk breytinga og sérsmíða.
Alkul ehf
Sérhæfir sig í viðgerðum og almennri þjónustu á kæli- og frystikerfum hvort heldur sem um er að ræða kerfi í gámum, vögnum eða hjá fyrirtækjum.
